Ke swanetše go dira eng ge akhaonte ya panka yeo tšhelete e bego e swanetše go lefelwa ka go yona e tswaletšwe?
Efa Kgorotsheko dintlha tše diswa tša panka.
Mohlankedi wa Tlhokomelo go Kgorotsheko o tla eletša molatofatšwa ka ga dintlha tše diswa tša gago tša panka le tšhelete ye a e kolotago.
Dintlha tše diswa tša panka di tla rekhotwa ka faeleng ya tlhokomelo.
Go diragala eng ge motho yo a amogelago tšhelete ya Tlhokomelo a ka lwala, a golofala, a hlokofala goba a le ka ntle ga naga?
Mo lebakeng la lehu, Motho yo a rwalago maikarabelo a thoto ya mokgopedi goba Mohlokomedi wa ngwana, o fiwa tumelelo ya go amogela tšhelete.
Mo lebakeng la bolwetši, bogole goba motho yoo a filwego tumelelo a le ka ntle ga naga, leloko la boraro le tlamega go bewa. Se se ka dirwa ka go tšweletša tokumente ya Maatla a Ramolao yeo e fanago tumelelo go leloko la boraro go amogela tšhelete ya tlhokomelo.
O ka ikgokaganya le Kgoro ya Bobotlana-Leago (Modirelaleago) go hwetša thušo.
Ke swanetše go leba kae ge ke nyaka go hwetša ditokelo tša Tlhokomelo le Phihlelelo?
Go hwetša tshedimošo ka botlalo ka ga Tlhokomelo le Phihlelelo, bona Ramolao wa Lapa Kgorotsheko ya Tlhokomelo.
Go hwetša tshedimošo ka botlalo, hle, ikgokaganye le:
Kgoro ya Toka le Tlhabollo ya Molaotheo: Kgodišo ya Ditokelo tša Dihlopha tšeo di lego Kotsing
Mogala: 315 1378/9
Fekse: 357 8188
Dinomoro tše Dingwe:
Diteng: Ditirelo tša Kgorotsheko: Kgoro ya Toka le Tlhabollo ya Molaotheo
Ke humana bjang tšhelete ya tlhokomelo?
Seo o swanetšego go se tseba!
Kgorotsheko e bulwa neng?
Diiri tša Mošomo:
Labohlano: 08h15 -15h00
Ke swanetše go leba kae ge ke fihla Kgorong ya tsheko?
Ka mehla o lebe pele go Teseke ya Tshedimošo gore o laetšwe lefelo la maleba.
Ke tseba bjang gore tšhelete e lefetšwe?
Ka mehla o swanetše gore o letše mogala pele o ka tla Kgorotsheko, go netefatša gore tšhelete e lefetšwe.
Ge e ba tšhelete ga se ya lefelwa, Kgorotsheko e tla leka pele go nyakišiša gore tšhelete e lefetšwe goba aowa, gomme ge e sa lefelwa, o tla botšwa gore o swanetše go dira eng.
Ke tla ema lebaka le le kaakang gore ke lefelwe tšhelete?
Letšatšikgwedi la tefelo le laolwa ke Taelo ya Kgorotsheko. Tefelo e tla dirwa fela ge Taelo ya Kgorotsheko e tšweleditšwe.
Mabaka a go diegiša tefelo
Tshepedišo ya khomphuthara ga e šome
Tefelo e ka se kgone go nyakišišwa ka lebaka la gore go filwe nomoro yeo e se go ya nnete ya tšhupetšo.
Gopola gore ge tšhelete e lefetšwe ka TŠHEKE ka mo gare ga akhaonte ya gago ya panka, tšhelete e tla BA GONA FELA ka morago ga matšatši a ŠUPA.
Ga ke lokologe ge ke diriša akhaonte ya panka
Gopola gore go bolokegile gape go bonolo go diriša akhaonte ya panka go na le gore tefelo e dirwe go Kgorotsheko ka tšhelete goba ka taelo ya kanišie.
Ke magato afe ao ke swanetšego go a tšea ge ke sa amogele tšhelete ka gare ga akhaonte ya ka ya panka?
Kgopela setatamente seo se hlalošago ka botlalo (e sego setatamente se se kopana) sa akhaonte ya gago ya panka go tšwa khaonthareng ya panka ya kgauswi le wena goba ATM.
Tliša setatamente sa gago gotee le pukwana ya gago ya boitsebišo (ye tala goba ye sehla) go Kgorotsheko.
Kgorotsheko e tla ntšha tagafala go thoma tatofatšo ya bosenyi kgahlanong le motho yo a rwelego maikarabelo a tefelo.
Ge e ba ke motho yoo a lefelago tšhelete ya Tlhokomelo, ke swanetše go dira eng?
O ka diriša mekgwa ye e latelago ya go lefa:
Taelo ya thopelo – khamphani yeo o e šomelago e tšea tšhelete thwii go tšwa mogolong wa gago.
Tefelo ya kheše – o ka ya go Kgorotsheko gomme wa lefela tšhelete mo khaonthareng.
Tefelo thwii ka akhaonteng ya panka – o dira peeletšo ka akhaonteng ya panka ya motho yoo a swanetšego gore a hwetše tšhelete.
Mohuta wa gago wa tefelo o swanetše go rekhotwa mo go Taelo ya Kgorotsheko.
Gopola:
Nomoro ya Tšhupetšo yeo e filwego ke Kgorotsheko e swanetšwe e tšweletšwe ge o dira tefelo thwii ka akhaonteng ya panka goba khaonthareng.
Ka mehla o fekese bopaki bja tefelo (setlankana sa peeletšo goba rasiti) go Kgorotsheko ge o lefela thwii ka akhaonteng ya panka ya Kgorotsheko.
KA MEHLA O LETŠE MOGALA PELE
Ke ka baka la eng ke hloka tšatšikgwedi la Tsheko?
Go fa Kgorotsheko sebaka sa go tsebiša motswadi yo a amegago go ba gona mo theetšong.
Ke ka baka la eng go le bohlokwa gore maloko ka moka a tle Kgorong ya tsheko?
Ke go fihlelela tumelelano ya gore ke bokae yeo e swanetšwego gore e lefelwe bjalo ka tšhelete ya Tlhokomelo le gore ke bokae yeo motho yo a swanetšego go lefa a ka e kgonago.
Ke eng seo ke swanetšego gore ke se diriše bjalo ka nomoro ya tšhupetšo?
O tla amogela nomoro ya faele yeo e thomago ka 14/3/2 gomme go latele nomoro ya tšhupetšo yeo e abetšwego ke ofisi
Nomoro e tšwelelago Karateng ya gago ya Tšhelete ya Tlhokomelo
Hle, khouta nomoro ya gago ge o dira dinyakišišo ka taba tša gago
Ke tla ema sebaka se se kaakang gore Taelo ya Kgorotsheko e dirwe?
Se se laolwa ke tirišano magareng ga maloko a mabedi. Ge maloko a ka fihlelela tumelelano; tefo ya mathomo e tla dirwa go ya ka moo e laeditšwego ke Taelo ya Kgorotsheko.
Ke ditsela dife tša go fapana tšeo nka hwetšago tšhelete ya Tlhokomelo ka tšona?
Taelo ya Thopelo – khamphani e tšea tšhelete go tšwa thwii go mogolo wa motho yoo a swanetšego go lefela tšhelete ya tlhokomelo gomme ya e lefela ka go akhaonte ya panka ya Kgorotsheko.
Tefelo ya Tšhelete – o amogela tšhelete thwii go tšwa khaonthareng.
Tefelo ya tšhelete thwii ka akhaonteng ya gago ya panka- molatofatšwa o lefela tšhelete ka akhaonteng ya gago ya panka
Tsela ye kaone ya go hwetša tšhelete ya Tlhokomelo ke tefelo thwii ka akhaonteng ya gago ya panka.
Mehola ya se ke gore:
Ga go hlokagale gore o tšee leeto la go ya Kgorotsheko.
Ga go be le ditshenyagelo tša senamelwa.
Ga o eme methaladi ye metelele go amogela tšhelete
Ga o senyagalelwe ke nako ya go ya mošomong.
Ke nyaka bjang tšhelete ya Tlhokomelo?
Ditokelo tša ka ke dife?
Ke maikarabelo a batswadi ka bobedi ga bona gore ba hlokomele ngwana wa bona ka ditšhelete.
Se se akaretša ditšhelete tša go lefela dijo, diaparo, madulo, tlhokomelo ya maphelo le thuto.
Palomoka ya tlhokomelo e tla laolwa ke ditseno tša motswadi yo mongwe le yo mongwe
Bobedi bja batswadi bo ikarabela go hlokomela ngwana, go sa kgathalege gore o belegwe ka gare goba ka ntle ga lenyalo.
Motho yo a nago le maikarabelo a go lefela tšhelete ya tlhokomelo o na le tokelo ya go tšweletša ngongorego kgahlanong le taelo ya tlhokomelo.
Ge motho yo a rwalago maikarabelo a tlhokomelo a sa lefele, go ka tšweletšwa ngongorego go la Kgorotsheko ya Tlhokomelo.
Taelo ya Tlhokomelo e ka direlwa:
Ditshenyagelelo tšeo di amanago le pelego ya ngwana
Ditshenyagelelo tšeo di amanago le tlhokomelo ya ngwana go tloga tšatšikgwedi la matswalo a ngwana go fihla tšatšikgwedi la nyakišišo
Mo lehlakoreng la tlhalano, molekani wa peleng o lokelwa go hwetša tšhelete ya tlhokomelo ge e ba e be e akareditšwe bjalo ka karolo ya tshepedišo ya tsheko ya tlhalano.
Nka ya Kgorong ya neng tsheko ya Tšhelete ya Tlhokomelo?
Ge motswadi yo a amegago a sa a sa fane ka Tšhelete ya Tlhokomelo ya ngwana goba ya lapa
Ge e le la mathomo o dira kgopelo ya Tšhelete ya Tlhokomelo
Ge Kgorotsheko ya Tlhalano e dirile taelo, go bula faele gore kgorotsheko e tsebiše motho yo a amegago gore ditefelo di swanetše go dirwa neng, goba kae.
Ge o dira kgopelo ya koketšo goba phokotšo ya Taelo ya Tšhelete ya Tlhokomelo ye e lego gona.
Ke swanetše ke ye Kgorotsheko efe ge ke nyaka go dira kgopelo ya tšhelete ya Tlhokomelo?
Hle, ikgakaganye le Kgorotsheko ya kgauswi le wena ka mogala ka ge ba tla kgona go go thuša ka tshedimošo ya maleba. (Kgorotsheko ya Selete seo ngwana goba motho a swanetšego go amogela thušo ya tlhokomelo a dulago go yona).
Ke nyaka go dira kgopelo ya tšhelete ya Tlhokomelo – ke dira bjang go dira kgopelo ya se?
Leletša Kgorotsheko ya kgauswi le wena go hwetša gore ke Kgorotsheko efe yeo o ka ya go go hwetša tšhelete ya Tlhokomelo
Leletša Kgorotsheko yeo ya tšhelete ya Tlhokomelo gomme o netefatše seo o tla hlokago go sepela le sona gore o kgone go dira kgopelo ya tšhelete ya Tlhokomelo
Etla Kgorong ya tsheko gomme o tlatše foromo ya kgopelo.
Kgorotsheko e tla go fa tšatšikgwedi leo wena le molatofatšwa motswadi yo mongwe le tla tlago Kgorotsheko ka lona.
Kgorotsheko ka tšatšikgwedi le itšego.
Ela tlhoko:
Tshepedišo ka moka ya go dira kgopelo ya tšhelete ya Tlhokomelo go e amogela la mathomo go ka tšea dibeke tše mmalwa, go ya ka tirišano magareng ga maloko ka bobedi.
A naa ke hloka go sepela leeto ge ke eya Kgorong ya tsheko?
Ka mehla letša mogala pele o ka ya Kgorong ya tsheko go netefatša gore o ya go Kgorotsheko ya maleba.
Netefatša gore o na le ditlabelo ka moka tša tshedimošo ya maleba ka letšatši leo.
Tseba gore molatofatšwa (motswadi yo mongwe) o hlokega go ba le wena ka letšatši leo.
Ke nyaka go ya Kgorotsheko ya Tlhokomelo – ke eng seo ke hlokago go se tšea ge ke eya fao?
Netefatša gore o tla le tše di latelago ge o etla Kgorotsheko:
Pukwana ya Boitsebišo (ye sehla goba ye tala fela gomme e swanetše e be le seswantšho)
Nomoro ya Boitsebišo le seswantšho sa motswadi/motho yo a swanetšego go lefela tšhelete ya tlhokomelo.
Setatamente sa panka ge e ba o na le akhaonte ya panka.
Lenaneo la ditshenyagalelo leo le hlalošago dinyakwa tša ngwana
Ditokumente tša go hlatsela ditshenyagalelo tše, mohlala, mokitlana wa meetse le mabone, dilipi tša dijo, mekitlana ya diaparo, bj.bj.
Silipi sa tefo sa ga bjale sa maloko a mabedi ao a amogelago moputso wa mafelelo a kgwedi.
Aterese ya bodulo ya motho yo a swanetšego go lefela tšhelete, aterese ya maloko a lapa (maloko a kgauswi) goba aterese ya mošomo.
Tšatšikgwedi (ge e ba le šetše le laeditšwe)
Nomoro ya Taetšo (ge e ba e šetšwe e filwe)
Tumelelano ya Tlhalo (mo lebakeng la tlhalano)
Tšatšikgwedi la tefelo.
Ke ditshenyagalelo dife tšeo di ka ngwalwago bjalo ka dinyakwa tša ngwana?
Madulo
Ditefelo tša sekolo
Meetse le mabone (Mekitlana ya mohlagase)
Ditshenyagalelo tša maphelo
Dijo le tše di amanago le tšona
Ditshenyagalelo tša maeto
Diaparo
O tla hloka gore o tle le ditokumente tša go thekga ye nngwe le ye nngwe ya ditshenyagalelo tše, go se go bjalo KGOROTSHEKO E KA SE THOMIŠE KA DITSHEPEDIŠO.
